Azərbaycanın futbol üzrə millisinin üzvü Çexiya liqasındakı oyunda fərqlənib
Bakı, 18 avqust, AZƏRTAC
Azərbaycanın gənclərdən ibarət milli komandasının üzvü Fərid Nəbiyev Çexiya liqasında növbəti qolunu vurub.
AZƏRTAC xəbər verir ki, iyirmi yaşlı futbolçunun çıxış etdiyi “Slaviya B” komandası gənclər liqasının ikinci turunda “Vltavin” klubunu qəbul edib.
Praqa təmsilçisinin 4:1 hesabı ilə qalib gəldiyi oyunda yarımmüdafiəçimiz əsas heyətdə yer alıb. O, komandasının dördüncü qolunu vurub. Bu, millimizin üzvünün yeni mövsümdə ilk qolu olub. Bu qələbədən sonra xallarının sayını altıya çatdıran “Slaviya B” hazırda turnir cədvəlində liderdir.
Xatırladaq ki, ötən mövsüm Azərbaycanın U-21 yığmasının oyunçusu “Slaviya”nın heyətində vurduğu qollar sahəsində bu ölkənin çempionatının ən məhsuldar futbolçularından biri olmuşdu.
Bədii gimnastika üzrə Dünya Kubokunun ilk qalibləri mükafatlandırılıb VİDEO
Bədii gimnastika üzrə Dünya Kuboku: Qrup hərəkətləri üzrə Azərbaycan komandası bürünc medal qazanıb
Premyer Liqa: “Zirə” doğma meydanda “Neftçi”yə qalib gəlib
Azərbaycan gimnastı Bakıdakı Dünya Kubokunda finala yüksəlib
Almaniyanı təmsil edən gimnast: Bakıda yarışmaq mənim üçün xüsusi məna ifadə edir