Məhəmməd İbadov: Peşə məktəblərinə ərizə qəbulu prosesi çox asanlaşdırılıb
Bakı, 17 avqust, AZƏRTAC
Azərbaycanda peşə məktəblərinə ərizə qəbulu prosesi çox asanlaşdırılıb.
Bunu AZƏRTAC-a müsahibəsində peşə məktəbinə sənəd verən Məhəmməd İbadov deyib. O bildirib ki, ərizənin doldurulmasında və təsdiq olunmasında “ASAN xidmət”in könüllüləri yaxından kömək göstəriblər.
“Valideynlərim ali təhsil almağımı istəyirdilər. Amma mən istəmədiyim sahədə təhsil almaq istəmədim. Uşaqlıqdan arzum metroda işləmək olub. Ona görə də peşə təhsili almağa üstünlük verdim, Dəmir Yolu və Metropoliten üzrə Bakı Dövlət Peşə Təhsil Mərkəzini seçdim”, - deyə Məhəmməd İbadov qeyd edib.
Xatırladaq ki, peşə təhsili müəssisələrinə sənəd qəbulu avqustun 5-dən başlanıb və avqustun 20-dək davam edəcək. Qəbul şəhadətnamə və ya attestat əsasında müvafiq fənlərin orta balı nəzərə alınmaqla müsabiqə yolu ilə həyata keçirilir. Ərizələrin qəbulu “ASAN xidmət” mərkəzlərində, belə mərkəzlərin fəaliyyət göstərmədiyi şəhər və rayonlar üzrə isə müvafiq peşə təhsili müəssisələrində ödənişsiz şəkildə və elektron qaydada aparılır.
BDU-nun Qazax filialında inklüziv təhsilə dair beynəlxalq konfransın regional bölməsinin iclası olub
IV Azərbaycan Astronomiya Olimpiadasının final mərhələsi keçirilib
“Sabahın alimləri” müsabiqəsində Biləsuvar Təhsil Kompleksinin 6 şagirdi uğur qazanıb
“IT sahəsindəki yolum” mövzusunda təcrübə sessiyasının keçirilməsi planlaşdırılır