Fərid Sadıqlı: Hədəfim dünya çempionatında qızıl medal qazanmaqdır
Bakı, 21 iyul, AZƏRTAC
Yarışlara ciddi hazırlaşmışdım. XV Avropa Gənclər Yay Olimpiya Festivalı doğma vətənimdə keçirildiyi üçün məsuliyyət və həyəcan daha böyük idi. Çempion olduğum üçün sevincimin həddi-hüdudu yoxdur.
AZƏRTAC xəbər verir ki, bu sözləri Avropa Gənclər Yay Olimpiya Festivalının ilk qızıl medalını qazanmış Azərbaycanın yunan-Roma güləşçisi Fərid Sadıqlı deyib.
“Yarışda ən çətin görüşüm dörddəbir finalda gürcü Davit Qvasalia ilə oldu. Səhv edərək rəqibə bir neçə xal verdim. Lakin özümü toparlayıb yarışdan qalib ayrılmağı bacardım”, - deyə Fərid Sadıqlı vurğulayıb.
Azərbaycan güləşçisi hədəfinin qarşıdan gələn dünya çempionatında qızıl medal qazanmaq olduğunu diqqətə çatdırıb.
Qeyd edək ki, finalda türkiyəli Umut Çobana böyük hesabla qalib gələn gənc pəhləvanımız XV Avropa Gənclər Yay Olimpiya Festivalının çempionu olub.
Bədii gimnastika üzrə Dünya Kubokunun ilk qalibləri mükafatlandırılıb VİDEO
Bədii gimnastika üzrə Dünya Kuboku: Qrup hərəkətləri üzrə Azərbaycan komandası bürünc medal qazanıb
Premyer Liqa: “Zirə” doğma meydanda “Neftçi”yə qalib gəlib
Azərbaycan gimnastı Bakıdakı Dünya Kubokunda finala yüksəlib
Almaniyanı təmsil edən gimnast: Bakıda yarışmaq mənim üçün xüsusi məna ifadə edir