Xəzər Universitetində tədris ilinin yekunları müzakirə edilib
Bakı, 16 iyul, AZƏRTAC
Xəzər Universitetində tədris ilinin yekunlarına və qarşıda duran vəzifələrə həsr olunmuş geniş müşavirə keçirilib.
Universitetdən AZƏRTAC-a bildirilib ki, bu ali məktəbin təsisçisi, Direktorlar və Qəyyumlar Şurasının sədri, professor Hamlet İsaxanlı tədris ilinin yekunlarından, qarşıda duran vəzifələrdən danışıb. O, xarici ölkələrdən tələbələrin cəlb olunması işinin fəallaşdırılmasının, orta məktəb şagirdləri ilə universitetin əlaqələrinin möhkəmləndirilməsinin, Məzunlar Assosiasiyasının, Xəzər Universitetinin Dostları Fondunun təşkilinin başa çatdırılmasının zəruriliyini vurğulayıb.
Universitetin rektoru, dosent İradə Xəlilova, tədris işləri üzrə prorektor, professor Məhəmməd Nuriyev gələcək planlardan bəhs ediblər.
Müşavirədə qarşıda duran vəzifələrin həyata keçirilməsi üçün qərarlar qəbul olunub.
BDU-nun Qazax filialında inklüziv təhsilə dair beynəlxalq konfransın regional bölməsinin iclası olub
IV Azərbaycan Astronomiya Olimpiadasının final mərhələsi keçirilib
“Sabahın alimləri” müsabiqəsində Biləsuvar Təhsil Kompleksinin 6 şagirdi uğur qazanıb
“IT sahəsindəki yolum” mövzusunda təcrübə sessiyasının keçirilməsi planlaşdırılır