Vladimir Zelenski Ukraynada Olimpiya Oyunlarının keçirilməsi üçün planın işlənib hazırlanmasını tapşırıb
Bakı, 16 iyul, AZƏRTAC
Ukrayna Prezidenti Vladimir Zelenski ölkədə Olimpiya Oyunlarının keçirilməsi üçün infrastrukturun hazırlanması planının işlənilməsini tapşırıb. Bu barədə dövlət başçısının mətbuat xidməti məlumat yayıb.
AZƏRTAC xəbər verir ki, Zelenski ölkənin İdman və Gənclər naziri İqor Jdanov və Ukrayna Milli Olimpiya Komitəsinin prezidenti Sergey Bubka ilə görüşündə deyib: “Bizə hər şeyin deyək ki, 3-4 il ərzində tikilib başa çatdırılması üçün müəyyən plan lazımdır. O zaman biz sırada olacaq və Olimpiadanı qəbul edə biləcəyik. Biz iddialı olmalıyıq”.
Prezident daha sonra əlavə edib: “İnvestisiya axtaran şəxslərə tapşırıq vermək lazımdır. Büdcəmizi tərtib edənlərə tapşırıq vermək lazımdır ki, bizə zəruri olan, sonradan Olimpiada üçün istifadə olunacaq obyektlərə hər il vəsait ayırsınlar. Ən azından buna nail olmağa cəhd göstərilməlidir”.
Sergey Bubka, öz növbəsində, bildirib ki, Kiyevin müraciət edə biləcəyi ən yaxın Olimpiya turnirləri 2030-cu ilin Qış Olimpiadası və 2032-ci ilin Yay Olimpiadasıdır. Lakin o qeyd edib ki, gələcəkdə Yeniyetmələrin Qış və yaxud Yay Olimpiya Oyunlarının keçirilməsinə Ukraynanın namizədliyinin irəli sürülməsi imkanı ölkə üçün daha real ola bilər.
Bədii gimnastika üzrə Dünya Kubokunun ilk qalibləri mükafatlandırılıb VİDEO
Bədii gimnastika üzrə Dünya Kuboku: Qrup hərəkətləri üzrə Azərbaycan komandası bürünc medal qazanıb
Premyer Liqa: “Zirə” doğma meydanda “Neftçi”yə qalib gəlib
Azərbaycan gimnastı Bakıdakı Dünya Kubokunda finala yüksəlib
Almaniyanı təmsil edən gimnast: Bakıda yarışmaq mənim üçün xüsusi məna ifadə edir