“Liverpul” futbol klubu yay transfer pəncərəsi dövründə çoxlu oyunçu almaq niyyətində deyil
Bakı, 12 iyul, AZƏRTAC
İngiltərənin “Liverpul” futbol klubunun baş məşqçisi Yurgen Klopp bildirib ki, onun klubu bu yayda transfer bazarında ciddi fəallıq göstərməyəcək. “Qazeta.ru” nəşri alman mütəxəssisin bu sözlərini Britaniyanın “Sky Sports” telekanalına istinadla sitat gətirir.
İngiltərədə transfer pəncərəsi avqustun 8-də, yəni İngiltərə Premyer-Liqasının yeni mövsümünün başlanmasından bir gün əvvəl bağlanacaq.
Yurgen Klopp deyib: “Keçən mövsümdə Rayan Brüster və ALeks Oksleyd-Çemberlen oynamayıblar. Buna görə onları da gənclərdən ibarət heyətin bütün futbolçuları kimi, bizim komanda üçün yeni oyunçular hesab etmək olar. Nə etmək lazım olduğuna baxarıq, amma mən budəfəki transfer pəncərəsi “Liverpul” üçün tarixdə ən genişmiqyaslı transfer pəncərəsi olacağını güman etmirəm”.
AZƏRTAC TASS agentliyinə istinadla xəbər verir ki, budəfəki yay transfer pəncərəsi dövründə “Liverpul” üçün hələlik yeganə yeni oyunçu Hollandiyanın “Zvolle” komandasından keçmiş 17 yaşlı müdafiəçi Sepp van den Berq olub. “Transfermarkt” portalının məlumatına görə, müvafiq kontraktın məbləği 1,9 milyon avrodur.
2018-2019-cu illər mövsümündə “Liverpul” Çempionlar Liqasının qalibi olub və İngiltərə çempionatında 97 xal toplayaraq ikinci yeri tutub.
Bədii gimnastika üzrə Dünya Kubokunun ilk qalibləri mükafatlandırılıb VİDEO
Bədii gimnastika üzrə Dünya Kuboku: Qrup hərəkətləri üzrə Azərbaycan komandası bürünc medal qazanıb
Premyer Liqa: “Zirə” doğma meydanda “Neftçi”yə qalib gəlib
Azərbaycan gimnastı Bakıdakı Dünya Kubokunda finala yüksəlib
Almaniyanı təmsil edən gimnast: Bakıda yarışmaq mənim üçün xüsusi məna ifadə edir