Bakı, 23 may, AZƏRTAC

İspaniyanın “Barselona” klubu Hollandiyanın “Qroningen” komandasının yarımmüdafiəçisi Ludovit Reysi transfer edib.
AZƏRTAC xəbər verir ki, İspaniya klubu 18 yaşlı yarımmüdafiəçi ilə 2+1 illik müqavilə imzalayıb. Bu transfer üçün “Barselona” Hollandiya təmsilçisinə 3,25 milyon avro ödəyib.
İspaniya klubu L.Reysin sərbəst qalması üçün 100 milyon avro tələb edir.
Qeyd edək ki, Reys cari mövsüm Hollandiya çempionatında iştirak etdiyi 31 oyunda 1 qol vurub.