Milli Məclisin Hüquq siyasəti və dövlət quruculuğu komitəsinin iclası keçirilib
Bakı, 23 may, AZƏRTAC
Mayın 23-də Milli Məclisin Hüquq siyasəti və dövlət quruculuğu komitəsinin növbəti iclası keçirilib.
AZƏRTAC xəbər verir ki, komitənin sədri Əli Hüseynli gündəliyə “Azərbaycan Respublikası vətəndaşlarının qanunvericilik təşəbbüsü hüququndan istifadə etməsi qaydası haqqında” qanun layihəsinin daxil olduğunu deyib. Bildirib ki, qanun layihəsi Azərbaycan Respublikası Konstitusiyasının 94-cü maddəsinin birinci hissəsinin 1-ci bəndinə və 96-cı maddəsinin altıncı hissəsinə uyğun olaraq, Azərbaycan Respublikası vətəndaşının qanunvericilik təşəbbüsü hüququndan istifadə etməsi qaydasını müəyyən edir və bu sahədə yaranan münasibətləri tənzimləyir.
Müzakirələr zamanı çıxış edən komitə üzvləri qanun layihəsini yüksək qiymətləndirib, qeyd və təkliflərini veriblər.
Sonda qanun layihəsi Milli Məclisin plenar iclasında müzakirəyə tövsiyə olunub.
Siyasi partiyalar tərəfindən qəbul edilən qanunsuz ianələrə görə cərimələr müəyyənləşir
Ermənistan Azərbaycanın ərazi bütövlüyünü təsdiqləməsə, nəticə erməni cəmiyyəti üçün ağır olacaq
Azərbaycan parlamenti növbədənkənar sessiyasında 41 məsələni müzakirə edir
İqtisadi Şuranın növbəti iclası olub
Deputatlar Türkiyədə seçkilərə hazırlığın gedişi ilə tanış olacaqlar