Toni Kroos Madridin “Real” klubu ilə müqavilənin müddətini 2023-cü ilədək uzadıb
Madrid, 21 may, AZƏRTAC
Almaniyalı futbolçu, Madridin “Real” komandasının yarımmüdafiəçisi Toni Kroos bu klubla müqaviləsinin müddətini 2023-cü ilin iyununadək uzadıb. Bu barədə “Real Madrid” klubu elan edib.
AZƏRTAC xəbər verir ki, klubun bəyanatında “Real Madrid”lə Toni Kroosun müqavilənin müddətinin 2023-cü il iyunun 30-dək uzadılması barədə razılığa gəldikləri bildirilir.
29 yaşlı Kroos Madridin “Real” klubuna “Bavariya”dan 2014-cü ildə 25 milyon avro müqabilində keçib. O, Madrid klubu ilə ilkin müqaviləni 2020-ci ilədək imzalayıb, 2016-cı ildə müqavilə daha iki il müddətinə uzadılıb.
2014-cü ildə futbol üzrə dünya çempionatında qalib gələn Kroos “Real Madrid”də keçirdiyi 233 oyunda 13 qolun müəllifidir. O, beş mövsüm ərzində 12 titula sahib olub.
Nigar Cəfərli
AZƏRTAC-ın xüsusi müxbiri
Madrid
Bədii gimnastika üzrə Dünya Kubokunun ilk qalibləri mükafatlandırılıb VİDEO
Bədii gimnastika üzrə Dünya Kuboku: Qrup hərəkətləri üzrə Azərbaycan komandası bürünc medal qazanıb
Premyer Liqa: “Zirə” doğma meydanda “Neftçi”yə qalib gəlib
Azərbaycan gimnastı Bakıdakı Dünya Kubokunda finala yüksəlib
Almaniyanı təmsil edən gimnast: Bakıda yarışmaq mənim üçün xüsusi məna ifadə edir