NASA 265 min qalaktikanın fotoşəkillərini yayıb
Bakı, 8 may, AZƏRTAC
ABŞ-ın Milli Aeronavtika və Kosmik Tədqiqatlar Agentliyi (NASA) 265 min qalaktikanın fotoşəkillərini yayıb. AZƏRTAC “LiveScience” saytına istinadla xəbər verir ki, bu fotoşəkillər Hubble kosmik teleskopunun 16 il müddətində apardığı müşahidələrin nəticəsində çəkilib.
NASA-nın yaydığı fotoşəkillərdə kiçik və nəhəng qalaktikalar, habelə planetlərin müxtəlif dövrlərdə hərəkəti əks olunub. Hubble teleskopunun çəkdiyi 7 500 kadrdan ibarət kolleksiya kainatın indiyədək qeydə alınmış ən müfəssəl təsvirlərindən ibarətdir. Kompozisiyalı şəkillərdə işıqları teleskopun obyektinə daxil olanadək müddətdə milyardlarla işıq ili yol qət etmiş 265 min qalaktikanın olduğu bildirilir.
Layihənin müəllifi olan Kaliforniya Universitetinin astronomu Qert İllinqvort bildirib ki, bütün bu fotoşəkillər kainatda qalaktikaların tarixini, təzəcə yarandıqları dövrdən mükəmməl forma alanadək keçdikləri yolu müəyyən etməyə imkan verir. Bu şəkillərdə iki və ya daha çox qalaktikanın toqquşması nəticəsində meydana gəlmiş “qalaktika xarabalıqları” da əks olunub.
NASA-nın Avropa Kosmik Agentliyi və Kosmik Teleskop Elmi-Tədqiqat İnstitutu ilə 1990-cı ildən bəri apardığı müşahidələr davam edir.
Süni intellekt texnologiyalarının iqtisadiyyata transformasiyası problemləri tədqiq olunur
Kvant mexanizmi ilə beyin funksiyalarını sərgiləyən süni zəka modeli yaradılıb
Balaca bir damcı hər şeyi dəyişəcək: nanosensor istehsalında inqilab
Kibertəhlükəsizlikdə sıçrayış: yeni şifrələmə sistemi kompüteri casus proqramlarından qoruyur
Böyük Britaniyada ilk dronlu poçt texnologiyası sınaqdan keçirilib