Bakı, 16 mart, AZƏRTAC

Martın 16-də İspaniya La Liqasının 28-ci turunun növbəti oyunu keçirilib.
AZƏRTAC xəbər verir ki, Zinəddin Zidanın yenidən baş məşqçi təyin olunduğu Madridin "Real" klubu doğma azarkeşlər önündə "Selta Viqo"nu sınağa çəkib. Görüş meydan sahiblərinin 2:0 hesablı qələbəsi ilə başa çatıb. “Kral klubu”nun heyətində İsko (62) və Beyl (77) fərqləniblər.
Hazırda “Real Madrid” klubu turnir cədvəlinin lideri “Barselona”dan 9 xal geri qalır.