Bakı, 15 mart, AZƏRTAC

Türkiyənin Kapadokya Universitetində Xəzər Universitetinin təsisçisi, Direktorlar və Qəyyumlar Şurasının sədri, professor Hamlet İsaxanlının İstanbulda 2-ci dəfə nəşr edilmiş “Xəzana tərif” (“Hazana övgü”) kitabının təqdimatı və imza günü keçirilib.
Xəzər Universitetindən AZƏRTAC-a bildirilib ki, mərasimdə əvvəlcə H.İsaxanlı haqqında hazırlanmış slayd nümayiş olunub. Sonra Kapadokya Universitetinin tələbələri onun şeirlərini səsləndiriblər. Kitabın tərcüməçisi, şair-yazıçı İmdat Avşar şairin yaradıcılığından danışıb və onun “Gedin, deyin anama” şeirini türkcə oxuyub.
Sonra H.İsaxanlı şeirlərini oxuyub və tələbələrin suallarını cavablandırıb.
Sonda H.İsaxanlı imzaladığı kitabları oxuculara təqdim edib.