Azərbaycan Dövlət
İnformasiya Agentliyi

A
A
A
Sazlamalar

Özbəkistan portalları Xocalı soyqırımından yazır

Daşkənd, 27 fevral, АZƏRTAC

Özbəkistanın kun.uz portalı Xocalı soyqırımının 27-ci ildönümü ilə əlaqədar fevralın 26-da Bakıda keçirilən ümumxalq yürüşü ilə bağlı AZƏRTAC-ın informasiyasını özbək dilində yayıb. Tnews.uz portalı isə rus dilində “Şahidlərin dedikləri: Xocalı soyqırımı zamanın sağaltmayacağı bir acıdır” sərlövhəli geniş məqalə yayıb.
Məqalədə Xocalı soyqırımı haqqında ətraflı məlumat verilir. Bildirilir ki, səkkiz ailə tamamilə məhv edilib, 25 uşaq hər iki, 130 uşaq isə bir valideynini itirib. Faciənin törədildiyi gün 1275 nəfər əsir götürülüb, 150 insanın taleyi haqqında hələ də heç bir məlumat yoxdur.
Faciəni öz gözləri ilə görən şahidlər ermənilərin qan donduran hərəkətlərini ürəkağrısı ilə danışırlar.

 

Qulu Kəngərli
AZƏRTAC-ın xüsusi müxbiri
Daşkənd

Xocalı faciəsi 2019-02-27 21:22:00