“Tata Steel Masters-2019”un ikinci turunda şahmatçılarımız üz-üzə gələcək
Bakı, 13 yanvar, AZƏRTAC
Yanvarın 12-də Hollandiyanın Veyk-an-Zee şəhərində şahmat üzrə ənənəvi “Tata Steel Masters-2019” turniri start götürüb.
AZƏRTAC xəbər verir ki, bu nüfuzlu yarışın ilk turunu Azərbaycan şahmatçıları Şəhriyar Məmmədyarov və Teymur Rəcəbov heç-heçə ilə başa vurublar. Qeyd edək ki, Şəhriyar Məmmədyarov amerikalı şahmatçı Samuel Şankland, Teymur Rəcəbov isə rusiyalı Vladimir Kramniklə mübarizə aparıb.
Bu gün növbəti turun oyunlarında şahmatçılarımız Şəhriyar Məmmədyarov Teymur Rəcəbovla üz-üzə gələcək.
Birinci turda Y. Nepomnyaşi və A. Vişvanatan 1 xal, M. Karlsen, L. Dinq, Y. K. Duda, V. Fedoseev, V. Kramnik, R. Rapport, S. Şanklanq, S. Vidit hərəyə yarım xal qazanıblar. A.Giri və V.Forest birinci turu məğlub tərk ediblər.
İkinci turda Maqnus Karlsen (Norveç), Yan Nepomnyaşi (Rusiya), Vladimir Kramnik (Rusiya) Aniş Giri (Hollandiya), Riçard Rapport (Macarıstan) Samuel Şankland (ABŞ), Anand Vişvanatan (Hindistan) Vladimir Fedoseyev (Rusiya), Yan Kşiştof Duda (Polşa) Yorden Van Forest (Hollandiya), Liren Dinq (Çin) Santoş Viditlə (Hindistan) mübarizə aparacaq.
Dairəvi sistemlə keçirilən turnir 13 turdan ibarətdir. Turnir yanvarın 27-dək davam edəcək.
Bədii gimnastika üzrə Dünya Kubokunun ilk qalibləri mükafatlandırılıb VİDEO
Bədii gimnastika üzrə Dünya Kuboku: Qrup hərəkətləri üzrə Azərbaycan komandası bürünc medal qazanıb
Premyer Liqa: “Zirə” doğma meydanda “Neftçi”yə qalib gəlib
Azərbaycan gimnastı Bakıdakı Dünya Kubokunda finala yüksəlib
Almaniyanı təmsil edən gimnast: Bakıda yarışmaq mənim üçün xüsusi məna ifadə edir