Bakı, 13 yanvar, AZƏRTAC
Azərbaycanlı qrossmeyster Qədir Hüseynov Tallinn şəhərində keçirilən Paul Keres memorialında uğurla çıxış edib.
AZƏRTAC xəbər verir ki, 11 ölkədən 88 şahmatçının qatıldığı turnirdə Qədir Hüseynov keçirdiyi 9 oyundan 7 qələbə və 2 heç-heçə ilə blits turnirini birinci yerdə başa vurub. Memorial çərçivəsində keçirilən rapid yarışında 7 oyunda 6 xal yığan şahmatçımız üçüncü yeri tutub.