Fransa nümayəndə heyəti Diasporla İş üzrə Dövlət Komitəsində olub
Bakı, 10 may, AZƏRTAC
Bakıda səfərdə olan Fransanın Kolmar şəhərinin meri Gilbert Meyer, Fransada Azərbaycanın Dostları Assosiasiyasının prezidenti Jan-Fransua Mansel və Assosiasiyanın baş katibi, Paris Azərbaycan Evinin rəhbəri Mirvari Fətəliyeva Diasporla İş üzrə Dövlət Komitəsində olublar. Bu barədə AZƏRTAC-a komitədən məlumat verilib.
Komitənin sədri Fuad Muradovla görüşdə Dövlət Komitəsi ilə Kolmar şəhəri arasında əməkdaşlıq məsələləri, qarşılıqlı əlaqələrin daha da genişləndirilməsi, gələcək fəaliyyət planları müzakirə edilib. Dövlət Komitəsi ilə birgə əməkdaşlıq çərçivəsində görüləcək işlərə dair təkliflər səsləndirilib və konkret addımlar barədə fikir mübadiləsi aparılıb.
Görüşdə, eyni zamanda, son vaxtlar ermənipərəst diaspor təşkilatlarının dəvəti ilə Fransanın rəsmi şəxslərinin Azərbaycanın işğal altındakı ərazilərinə qanunsuz səfərlərinin artmasından dərin narahatlıq ifadə olunub.
Keniyanın Baş naziri Ermənistanın qeyri-konstruktiv addımları barədə məlumatlandırılıb
Azərbaycanın Baş naziri monteneqrolu həmkarı ilə görüşüb
Ceyhun Bayramov UNESCO-nun İcraiyyə Şurasının sədri və Baş direktorunun müavini ilə görüşüb