Bakı, 23 avqust, AZƏRTAC
Qlobal neft tələbatı 2035-ci ilədək 15 faiz azala bilər.
AZƏRTAC xəbər verir ki, bu barədə dünyanın ən böyük banklarından olan “JP Morgan” məlumat yayıb.
“JP Morgan”a görə, elektromobillər çoxlu sayda maşın təmiri mərkəzi və neft istehsalçılarının zərər etməsinə səbəb olacaq. Elektrik enerjisi ilə işləyən nəqliyyat vasitələri 2025-ci ildə qlobal bazarın 35 faizinə yiyələnəcək. 2030-cu ilədək isə bu nisbətin 48 faizə çatması gözlənilir. Bank 2025-ci ildən sonrakı dövr bu sahəyə marağın artması nəticəsində qlobal neft tələbatının 2035-ci ilə qədər 15 faiz azalacağını proqnozlaşdırır.