Sergey Lavrov: Avropa İttifaqının Ermənistandakı müşahidə missiyası NATO-nun missiyasına çevrilir
Moskva, 19 aprel, AZƏRTAC
Avropa İttifaqının (Aİ) Ermənistandakı müşahidə missiyası NATO-nun missiyasına çevrilir.
AZƏRTAC xəbər verir ki, bu barədə Rusiyanın xarici işlər naziri Sergey Lavrov jurnalistlərə müsahibəsində bildirib. O deyib: “Bunun iki ay davam edəcəyini vəd etdilər, indi bu missiya (Aİ-nin Ermənistandakı missiyası) müddətsizdir. Orada artıq kanadalılar da var, NATO-nun digər ölkələri də onun tərkibinə daxildir. Bu, artıq Avropa İttifaqının deyil, NATO-nun missiyasıdır”.
Lavrov, həmçinin Ermənistanın baş naziri Nikol Paşinyanın Rusiya Prezidenti Vladimir Putin ilə görüşünün anonsunu da verib. Rusiyalı nazir qeyd edib: “Münasibətlərimizin keçmişi və indiki vəziyyəti qiymətləndirilməlidir. Ümidvaram ki, bunun (Ermənistan-Rusiya münasibətlərinin –red.) bizim Qərbdəki bədxahlarımızın ötürdüyü arqumentlər olmadan müzakirə ediləcəyi Prezidentlə təmaslar olacaq”.
Fəridə Abdullayeva
AZƏRTAC-ın xüsusi müxbiri
Moskva
Cənubi Sudandan olan 1,3 milyon qaçqın geri qayıdıb
Netanyahu Baydenlə fikir ayrılığının aradan qalxacağına ümid edir
Çin Macarıstanda dəmir yolu layihələrinə sərmayə qoyacaq
Mərakeş sahillərində 38 miqrant xilas edilib
Delakruanın məşhur rəsm əsəri yenidən Luvr muzeyində sərgilənir