Vidadi Rzayev: Prezident Gəncədə yeni stadionun təməlini qoymaqla bizi sevindirdi
Bakı, 9 aprel, AZƏRTAC
“Gəncə futbol veteranlarının adından Prezident İlham Əliyevə təşəkkür edirəm”.
Bu sözləri AZƏRTAC-a açıqlamasında veteran futbolçu Vidadi Rzayev Prezident İlham Əliyevin aprelin 9-da Gəncə şəhərində yeni stadionun təməlini qoyması barədə danışarkən deyib.
57 yaşlı mütəxəssis bir gəncəli olaraq qürur hissi keçirdiyini vurğulayıb: “Bizim şəhər hər zaman futbolla nəfəs alıb. Dövlətimizin başçısı biz gəncəliləri sevindirdi. Prezidentin qayğısı sayəsində bundan sonra Gəncədə futbol daha da inkişaf edəcək. Yeni tikilən akademiya, məşq stadionları möhtəşəmdir. Doğma şəhərim üçün xeyirli olsun”.
O, Azərbaycan Futbol Federasiyaları Assosiasiyasının (AFFA) yeni seçilən rəhbərliyi barədə də fikirlərini bölüşüb: “AFFA-da dəyişiklik oldu. AFFA-nın prezidenti Rövşən Nəcəfi yeni vəzifəsi münasibətilə təbrik edirəm. Ümid edirəm ki, hər şey Azərbaycan futbolunun xeyrinə olacaq. Futbol ictimaiyyətində bu idman növünə aid şəxslərin olması daha önəmlidir. İnanıram ki, veteran futbolçulara da xüsusi diqqət ayrılacaq”.
Qeyd edək ki, Azərbaycan Respublikasının Prezidenti İlham Əliyev aprelin 9-da Gəncə şəhər stadionunun təməlini qoyub.
Çempionlar Liqası: “Real Madrid” geri dönüş edərək finala yüksəlib
Konfrans Liqasında ilk finalçı bəlli olub
“Paris 2024” Yay Olimpiya Oyunlarının məşəli Marselə gətirilib
Azərbaycan Basketbol Liqası: “Xəzri” seriyanın ilk oyununda qalib gəlib
Lisenziya turniri: Azərbaycan güləşçilərinin ilk rəqibləri bəlli olub