Azərbaycan güləşçisi Beka Kandelaki yarımfinalda məğlub olub
Bakı, 5 aprel, AZƏRTAC
Azərbaycanın yunan-Roma güləşçisi Beka Kandelaki Bakıda keçirilən Avropa Olimpiya Təsnifat Turnirində yarımfinal görüşünə çıxıb.
AZƏRTAC xəbər verir ki, 130 kiloqramda mübarizə aparan idmançımız yarımfinalda Sergey Semyonovla üz-üzə gəlib. Görüş rəqibin 4:2 hesablı qələbəsi ilə yekunlaşıb.
Daha əvvəl İslam Abbasov (87 kiloqram) 1/8, Nihat Məmmədli (60 kiloqram) və Murad Əhmədiyev isə 1/4 finalda mübarizəni dayandırıblar.
Növbəti gün qadın güləşi üzrə millinin 5 üzvü xalça üzərinə çıxacaq. Mariya Stadnik (50 kiloqram), Elnurə Məmmədova (53 kiloqram), Jalə Əliyeva (57 kiloqram), Birgül Soltanova (62 kiloqram) və Elis Manolova (68 kiloqram) ölkəmizi bu növdə təmsil edəcəklər.
Son yarış günündə estafet sərbəst güləşçilərə keçəcək. Millinin 5 üzvü – Əliabbas Rzazadə (57 kiloqram), Hacı Əliyev (65 kiloqram), Turan Bayramov (74 kiloqram), Osman Nurmaqomedov (86 kiloqram) və Georgi Meşvildişvili (125 kiloqram) “doğma divarlar” arasında azarkeşləri sevindirməyə çalışacaqlar.
Mingəçevirdə “Prezident Kuboku-2024” reqatasının iştirakçılarının rəsmi paradı olub
Acun Ilıcalı daha bir futbol klubunu satın alır
İstanbul Formula 1 Türkiyə Qran-Prisinə yenidən ev sahibliyi edə bilər
Azərbaycan Göygöldəki Avropa Kubokunda 147 cüdoçu ilə təmsil olunacaq