Bakı, 18 sentyabr, AZƏRTAC 

ABŞ-da yeni qasırğa təhlükəsi ilə əlaqədar əvvəlcədən insanlara xəbərdarlıq edilib.
AZƏRTAC xarici KİV-lərə istinadla xəbər verir ki, həftəsonu Atlantik okeanına çatan “Mariya” adlı qasırğanın şiddətli olacağı bildirilir.
“İrma” qasırğasına bənzədilən “Mariya” qasırğası Barbadosun 225 kilometr şimal-qərbində saatda 225 kilometr sürətlə Karib adalarına doğru irəliləyir. Bu da onu göstərir ki, qasırğa yağış və təhlükəli dalğalarla müşayiət oluna bilər.
Florida ştatındakı ABŞ Milli Qasırğa Mərkəzinin açıqlamasına görə, bundan əvvəlki “İrma” qasırğası 84 nəfərin həyatını itirməsinə və milyonlarla dollarlıq maddi ziyana səbəb olub.