Bakı, 18 sentyabr, AZƏRTAC

Venesuela öz neftini dollar əvəzinə Çinin milli valyutası olan yuanla satacağını açıqlayıb.
AZƏRTAC xəbər verir, bu barədə Venesuelanın Neft və Dağ-mədən Sənayesi Nazirliyi məlumat yayıb. Bildirilir ki, neftin qiymətinin yuanla göstərilməsi Prezident Nikola Maduronun sentyabrın 7-də verdiyi açıqlamanın nəticəsidir.
Qeyd edək ki, N.Maduro Venesuelanın dollardan imtina üçün yeni strategiyalar tətbiq edəcəyini demişdi. ABŞ-ın sanksiyalarına məruz qalan Venesuela dollar əvəzinə digər valyutalardan istifadə etməyə başlayacağını bildirmişdi.