Yeni “Google” smartfonlarının təqdimat tarixi məlum olub
Bakı, 15 sentyabr, AZƏRTAC
Yeni “Google” smartfonlarının təqdimat tarixi məlum olub.
AZƏRTAC xəbər verir ki, "Google" şirkəti rəsmi "YouTube" kanalında videoçarx vasitəsilə yeni nəsil "Pixel" smartfonlarının təqdimat tarixini açıqlayıb.
Videoçarxda istifadəçilərin pis kamera, az yaddaş tutumu və zəif batareya ilə təchiz edilən smartfonlardan şikayətlərinə həsr edilib. Videonun sonunda tamaşaçılara "Smartfonu dəyişməyi düşünürsünüz? Xətdə qalın, daha ətraflı məlumat oktyabrın 4-də veriləcək" məlumatının yerləşdiyi sayta keçid almaq təklif olunur.
Bildirilir ki, söhbətin "Pixel 2" və "Pixel 2 XL" smartfon modellərinin təqdimatından getməsi ehtimal edilir. Tədbir reklam çarxında göstərilən suallara həsr olunacaq.
Xatırladaq ki, bundan əvvəl yayılan məlumatlarda "Pixel 2" smartfonunun "Full HD" təsvir ölçülü 4,97 düym diaqonallı ekran, 4 giqabaytlıq operativ, 64 giqabaytlıq quraşdırılmış yaddaşla təchiz ediləcəyi qeyd olunub. Öz növbəsində "Pixel 2 XL" modelinin "Quad HD" təsvir ölçülü 5,99 düym diaqonallı "OLED" displeyə, 4 giqabaytlıq operativ, 128 giqabaytlıq quraşdırılmış yaddaşa malik olacağı gözlənilir.
İyulun ortalarında internetdə "Pixel 2 XL" smartfonunun şəkilləri yayılıb. Şəkillərdən məlum olub ki, yeni smartfonda barmaq izi skaneri qurğunun arxa panelinin yuxarı hissəsində yerləşəcək.
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır