Bakı, 14 sentyabr, AZƏRTAC 

Myanma hökuməti Banqladeşin Rohingiya müsəlmanlarının təhlükəsizliyini təmin etmək üçün iki ölkə arasındakı sərhəd boyunca təhlükəsizlik zonalarının yaradılması təklifi ilə razılaşmayıb. Bu barədə Myanmar Times qəzeti məlumat yayıb.
AZƏRTAC RİA Novosti agentliyinə istinadla xəbər verir ki, Myanma hökumətin nümayəndəsi U Zo Txai qəzetə verdiyi açıqlamada deyib: “Hökumət təqdim edilən planı qəbul etməyib. Əgər belə bir zona yaradılsa, o, beynəlxalq təşkilatların nəzarətinə keçəcək”.
Banqladeş hökumətinin sərhəddə təhlükəsiz zonaların yaradılması təklifini Myanma tərəfinə Beynəlxalq Qırmızı Xaç Cəmiyyəti vasitəsi ilə çatdırdığı bildirilir.