Moskvada Avrasiya İqtisadi İttifaqının yubiley sammiti keçirilir
Bakı, 8 may, AZƏRTAC
Moskvada Rusiya Prezidentinin iştirakı ilə Avrasiya İqtisadi İttifaqının (Aİİ) yaradılmasının 10 illiyinə həsr olunmuş sammit keçirilir. Bu, Vladimir Putinin yeni, beşinci prezidentlik dövründəki ilk beynəlxalq görüşdür.
AZƏRTAC xəbər verir ki, tədbirdə Belarus, Qazaxıstan, Qırğızıstan prezidentləri iştirak edirlər. Sammitə Ermənistanın baş naziri Nikol Paşinyan sədrlik edir.
Rusiya Prezidenti Vladimir Putin, Aİİ-nin Ali İqtisadi Şurasının dar tərkibdə iclasında bildirib ki, Avrasiya İqtisadi İttifaqındakı hesablaşmaların 90 faizindən çoxu milli valyutalarda aparılır. Onun sözlərinə görə, 10 il ərzində Avrasiya İqtisadi İttifaqı ölkələrinin ümumi ÜDM-i 1,6 trilyondan 2,5 trilyon dollara yüksəlib.
“Qarşılıqlı ticarətin həcmi 45 milyard dollardan 89 milyard dollara qədər olmaqla, iki dəfə artıb. Üstəlik, hesablaşmaların 90 faizindən çoxu artıq milli valyutalarda aparılır”, - deyə V.Putin bildirib.
Makron Yeni Kaledoniya ilə bağlı Müdafiə Şurasının iclasını keçirəcək
Səudiyyə Ərəbistanının 88 yaşlı kralına pnevmoniya diaqnozu qoyulub
“Bayraktar AKINCI” İran Prezidentinin helikopterinin qəza enişi etdiyi ehtimal olunan bölgədədir
Parisin hava limanlarının işçiləri tətil edəcəklər
Türkiyənin Milli Müdafiə Nazirliyi İrana hərbi helikopter və PUA göndərib