Gəncə şəhərində oftalmologiya sahəsində XIII Regional konfrans keçiriləcək
Gəncə, 8 may, AZƏRTAC
Mayın 10-da Səhiyyə Nazirliyi, Akademik Zərifə Əliyeva adına Milli Oftalmologiya Mərkəzi və Azərbaycan Oftalmoloqlar Cəmiyyətinin birgə təşəbbüsü ilə Gəncə şəhərində XIII Regional konfrans keçiriləcək.
AZƏRTAC-ın bölgə müxbiri xəbər verir ki, konfransın məqsədi oftalmologiya sahəsində baş verən yenilikləri, nailiyyətləri araşdırmaq, təkliflər vermək, oftalmologiya sahəsində baş verən ən son yeniliklərdə region həkimlərinin iştirakını təmin etmək və onların da bu yeniliklərdən istifadə etməsinə dəstək olmaqdır.
Konfransda “Azərbaycan Oftalmoloqlar Cəmiyyətinin dünəni və bu günü”, “Göz travmaları zamanı korluqla mübarizə”, “Gəncə şəhərində çəpgözlük diaqnozu ilə aparılan müayinə və müşahidələrin nəticələri”, “Mərkəzi serroz xorioretinopatiya”, “Anti-VEGF terapiyası və yaşa bağlı makula degenerasiyasının müalicəsində olan uğursuzluqların səbəbləri”, “AOC Gənc Oftalmoloqlar Komitəsi. Amal, məqsəd və məramlar”, “Göyçay rayonu üzrə konyunktivitin rast gəlmə tezliyi və diferensial diaqnostikası”, “Katarakta əməliyyatından sonra quru göz sindromu” kimi mövzularda məruzələr dinləniləcək.
Latviya Parlamentinin sədri Şuşaya gəlib - YENİLƏNİB VİDEO
Latviya Parlamentinin sədri: Qarabağdakı quruculuq işlərinə şahidlik etmək çox sevindiricidir
Ağsu dolaylarında asfalt çöküb
Latviya Respublikası Parlamentinin sədri Füzuliyə gəlib YENİLƏNİB
Şəki-Zaqatala bölgəsi üzrə VI sinif şagirdləri üçün monitorinqdə 8227 məktəbli iştirak edib