ADPU-nun Psixoloji-pedaqoji xidmət laboratoriyasında “Açıq qapı” günü keçirilib
Bakı, 6 may, AZƏRTAC
Azərbaycan Dövlət Pedaqoji Universitetinin (ADPU) Məktəbəqədər təhsil fakültəsinin nəzdində fəaliyyət göstərən Psixoloji-pedaqoji xidmət laboratoriyasında tipik və atipik uşaqlar üçün “Açıq qapı” günü təşkil olunub.
AZƏRTAC xəbər verir ki, fakültə dekanı, pedaqogika elmləri doktoru Nailə Hüseynovanın rəhbərliyi ilə fakültənin müəllimləri “Açıq qapı” günündə iştirak edən uşaqları ödənişsiz psixoloji-pedaqoji müayinə edib, valideynlərə övladlarının vəziyyəti haqqında tövsiyələr veriblər.
Təşkil olunmuş “Açıq qapı” günündə qırxa yaxın uşaq müayinə olunub, psixoloji, pedaqoji, loqopedik, defektoloji və fizioloji dəyərləndirmələrdən keçirilib.
Şirvan-Salyan Regional Təhsil İdarəsi üzrə monitorinq 7 mindən çox şagirdi əhatə edib
Qarabağ Universiteti ilə bağlı sualları cavablandırmaq üçün yeni 146-6-1 xətti açılıb