Babək rayonunun Naxışnərgiz kəndinin içməli su təminatı yaxşılaşdırılıb
Naxçıvan, 2 may, AZƏRTAC
Naxçıvan Muxtar Respublikasında yaz mövsümünün yağıntılı keçməsi çaylarda, selovlarda, kaptajlarda suyun səviyyəsinin artması ilə müşahidə olunub.
Naxçıvan Muxtar Respublikasının Meliorasiya və Su Təsərrüfatı Açıq Səhmdar Cəmiyyətinin mətbuat xidmətindən AZƏRTAC-ın Naxçıvan bürosuna bildirilib ki, Qahab kaptajında suyun səviyyəsinin artması Qahab kəndi ilə yanaşı, Naxışnərgiz kəndinin də içməli su təminatının yaxşılaşdırılmasına imkan verib. Bu məqsədlə Babək Rayon Meliorasiya və Su Təsərrüfatı İdarəsi tərəfindən Qahab kaptajından 750 metr məsafədə 110 millimetrlik plastik borularla xətt çəkilib. Çəkilən xətlər Naxışnərgiz kəndindəki artezianın mövcud paylayıcılarına qoşulub. Beləliklə, həm Naxışnərgiz kəndinin içməli su təminatı yaxşılaşdırılıb, həm də elektrik enerjisinə qənaət edilib.
Dövlət Su Ehtiyatları Agentliyinin sədri Ağsu vətəndaşlarla görüşüb
Naxçıvanda Sahibkarlığın İnkişafı Fondu tərəfindən 4 ay ərzində 13 layihə maliyyələşdirilib
“Azərbaycan səhiyyəsinin inkişafı Heydər Əliyevin adı ilə bağlıdır” - nəzəri konfrans
Sumqayıt gəncləri qlobal iqlim dəyişikliklərinin həllində COP29-un əhəmiyyətini müzakirə ediblər
“Aztelekom” Masallı şəhərində GPON texnologiyası əsasında fiber-optik şəbəkə yaradıb