Zelenskinin iştirakı ilə Ukrayna-NATO Şurasının növbəti iclası keçiriləcək
Kiyev, 17 aprel, AZƏRTAC
Aprelin 19-da Ukrayna Prezidenti Volodimir Zelenskinin iştirakı ilə Ukrayna-NATO Şurasının növbəti iclası keçiriləcək.
AZƏRTAC xəbər verir ki, bunu NATO-nun Baş katibi Yens Stoltenberq Çexiya, Danimarka və Niderlandın Baş nazirləri ilə keçirdiyi birgə mətbuat konfransında söyləyib.
“İlk növbədə, Prezident Zelenski Ukrayna-NATO Şurası iclasının keçirilməsini istəyib. Biz aprelin 19-da iclas çağıracağıq. Bu, Prezident Zelenski ilə, daha sonra müdafiə nazirləri ilə görüş olacaq. Ukraynaya daha çox dəstəyə təcili ehtiyac var”, - deyə Stoltenberq qeyd edib.
NATO-nun Baş katib bildirib ki, iclasda Ukraynaya hava hücumundan müdafiə və artilleriya mərmilərinin yardımı məsələsi müzakirə ediləcək.
Emil Hüseynli
AZƏRTAC-ın xüsusi müxbiri
Kiyev
“Samsung” kompaniyasının əməliyyat gəliri üç ayda 10 dəfə artıb
Pekində HƏMAS və FƏTH nümayəndələrinin görüşü olub
Microsoft İndoneziyada süni intellektin inkişafına 1,7 milyard dollar ayıracaq
“Titanik”in ən zəngin sərnişininin saatı rekord qiymətə satılıb