Bakı, 16 aprel, AZƏRTAC

Gürcüstanın Tsxaltubo şəhərində Avropa Qızlar Riyaziyyat Olimpiadası (EGMO 2024) keçirilib.
Təhsil İnstitutundan AZƏRTAC-a bildirilib ki, Azərbaycan məktəbliləri bu olimpiadada uğurla çıxış edərək 1 bürünc medal və 2 həvəsləndirici mükafat qazanıblar. Nəticələrə əsasən, Türkiyə Dəyanət Vəqfi – Bakı Türk Liseyinin 11-ci sinif şagirdi Sevinc Mahmudova bürünc medala, həmin liseyin 9-cu sinif şagirdi Zəhra İbişova və Bakı şəhəri Kimya-biologiya təmayüllü respublika liseyinin 9-cu sinif şagirdi Rəfiqə Qəmbərova həvəsləndirici mükafata layiq görülüblər.