Yevlaxda narkotik vasitələrin qanunsuz dövriyyəsində və silah-sursat əldə etməkdə şübhəli bilinən 13 nəfər saxlanılıb
Yevlax, 1 aprel, AZƏRTAC
Yevlax Rayon Polis Şöbəsinin əməkdaşlarının keçirdikləri tədbirlərlə narkotik vasitələrin qanunsuz dövriyyəsində və silah-sursat əldə etməkdə şübhəli bilinən 13 nəfər saxlanılıb.
Daxili İşlər Nazirliyinin mətbuat xidmətinin Bərdə regional qrupundan AZƏRTAC-ın bölgə müxbirinə verilən məlumata görə, nəticədə 2 kiloqram narkotik vasitə və psixotrop həb, 1 "Kalaşnikov" avtomatı, 1 "Makarov" tapançası və 1 ədəd yivli silah aşkarlanıb. Vətəndaşlardan 5 ədəd ov tüfəngi götürülüb.
Həmçinin keçirilən tədbirlərlə oğurluqlar edən 3, axtarışda olan 7 nəfər saxlanılıb.
Yol patrul xidmətinin əməkdaşları tərəfindən son 15 gündə yol hərəkəti qaydalarını pozan 770 sürücü barəsində protokollar tərtib edilib. Konstruksiya dəyişikliyi edən 96, səbədsiz avtomobil idarə edən 78, spirtli içki və narkotikin təsiri altında sükan arxasında əyləşən 10, avtoxuliqanlıq edən 2 sürücü məsuliyyətə cəlb olunub.
Energetika naziri Ağcabədidə vətəndaşlarla görüşəcək
Hacıqabulda ağacəkmə aksiyası zamanı 200 ting əkilib
Şəkidə ümumi orta təhsil səviyyəsi üzrə kolleclərə qəbul imtahanları iki mərkəzdə aparılıb
Gəncədəki Rus Pravoslav Kilsəsində Pasxa bayramı qeyd olunub