Rəcəb Tayyib Ərdoğan may ayında Vaşinqtona səfər edəcək
Bakı, 29 mart, AZƏRTAC
Türkiyə Prezidenti Rəcəb Tayyib Ərdoğan mayın əvvəlində ABŞ prezidenti Cozef Baydenlə danışıqlar aparmaq üçün Vaşinqtona səfər edəcək.
AZƏRTAC xəbər verir ki, Türkiyənin Prezident Administrasiyası məlumatı təsdiqləyib. Beləliklə, bu, dövlət başçısı vəzifəsinin icrasına başladıqdan sonra Cozef Baydenin Rəcəb Tayyib Ərdoğanla Ağ Evdə ilk ikitərəfli görüşü olacaq.
Qeyd edək ki, son zamanlar iki ölkə arasında münasibətlər bir sıra məsələlərə görə gərginləşib. Türkiyə parlamentinin İsveçin NATO-ya üzvlüyü barədə sənədin ratifikasiyasını gecikdirməsi Vaşinqtonda narazılıq yaradıb. Türkiyə isə öz növbəsində Birləşmiş Ştatları Suriyanın şimalında PKK/PYG qruplaşmasına dəstək göstərməkdə ittiham edir. Qəzza müharibəsi isə Ankara və Vaşinqton arasında ciddi fikir ayrılığına səbəb olub.
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır