Bakı, 27 mart, AZƏRTAC

İndoneziyanın Qərbi Yava əyalətində iki kəndi əhatə edən torpaq sürüşməsi nəticəsində beş nəfər həlak olub.
AZƏRTAC Sinxua agentliyinə istinadla xəbər verir ki, əyalətin axtarış-xilasetmə idarəsindən verilən məlumata görə, ölənlərdən biri uşaqdır. Eyni zamanda, təbii fəlakət nəticəsində beş nəfərin itkin düşdüyü, 30-a yaxın evin və iki ibadət binasının dağıldığı bildirilir.
Xilasedicilər itkin düşənlərin axtarışını davam etdirirlər.
Qeyd edək ki, İndoneziya son aylarda bir sıra torpaq sürüşməsi və şiddətli daşqınlarla üzləşib.