“Tesla” İtaliyada zavod açmaq üçün danışıqlar aparır
Bakı, 27 mart, AZƏRTAC
ABŞ-ın elektrik mühərrikli avtomobil istehsalçısı “Tesla” İtaliyada müəssisə açmaq üçün Roma ilə danışıqlar aparır.
AZƏRTAC İtaliya mətbuatına istinadla xəbər verir ki, “Tesla” kompaniyasının əsas məqsədi ölkənin cənubunda elektrik enerjisi ilə işləyən yük maşınları və furqonlar istehsal etməkdir. Bir neçə aydır ki, bu məqsədlə İtaliyanın müvafiq nazirliyi ilə danışıqlar aparılır.
Hesabatlar göstərir ki, “Tesla” rəsmiləri artıq istehsal obyekti üçün potensial sahələri qiymətləndirməyə başlayıblar.
İlin əvvəlində italiyalı nazir Adolfo Urso milli avtomobil sənayesini qorumaq üçün yerli istehsalın 1,3 milyon ədədə çatdırılmalı olduğunu bildirib. İtaliya mediası, həmçinin ölkənin Çin avtomobil istehsalçıları - “BYD”, “Great Wall Motors” və “Chery Automobile” kompaniyaları ilə ölkədə müəssisələr açmaq barədə müzakirələr apardığını qeyd edib.
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır