Kiyevə raket hücumu olub, şəhərin mərkəzində dağıntılar qeydə alınıb
Kiyev, 25 mart, AZƏRTAC
Martın 25-də Rusiya Kiyevə növbəti raket hücumu həyata keçirib.
AZƏRTAC xəbər verir ki, yerli vaxtla 10:30-dan başlayaraq Kiyevdə partlayış səsləri eşidilib, hava hücumundan müdafiə sistemi işə düşüb.
"İlkin məlumatlara görə, Kiyevə raket hücumu nəticəsində zərərsizləşdirilən raketin dağıntıları Peçerski rayonuna düşüb. Yaşayış binasına ziyan dəyib. Hadisə yerində operativ xidmətlər iş aparır", - deyə Kiyev şəhər Dövlət Administrasiyasından bildiriblər.
Paytaxt meri Vitali Kliçko isə bildirib ki, Kiyevin Peçerski, Solomenski və Dnepr rayonlarına təcili yardım xidmətləri göndərilib. Raket hücumu nəticəsində Peçerski rayonunda çoxmərtəbəli bina zərər görüb: "Həmçinin, ilkin olaraq Solomenski və Dnepr rayonlarında dağıntıların olduğu müəyyən edilib”
Kliçko qeyd edib ki, Peçerski rayonunda raket qalıqlarının düşməsi nəticəsində üçmərtəbəli qeyri-yaşayış binası da dağılıb: "Hadisə yerində təcili tibbi yardım xidmətləri çalışır. Hazırda bir nəfər zərərçəkən tapılıb. Həkimlər ona yerindəcə tibbi yardım göstəriblər".
Hələki ölən və xəsarət alanlar barədə ətraflı məlumat verilmir. Dağıntılar altında insanların olduğu istisna edilmir.
Emil Hüseynli
AZƏRTAC-ın xüsusi müxbiri
Kiyev
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır