Bakı, 19 mart, AZƏRTAC

SOCAR-ın “Azəriqaz” İB Novruz bayramı günlərində fəaliyyətini əvvəlki kimi davam etdirəcək.
“İB-dən AZƏRTAC-a bildirilib ki, əsasən qəza xidmətinin əməkdaşları baş verə biləcək hər hansı bir qəza halının (qaz sızması, qaz xətlərinin müxtəlif səbəblərdən zədələnməsi, sayğaclarda nasazlıq və s.) dərhal aradan qaldırılması üçün növbəlilik tətbiq etməklə iş başında olacaqlar. Bakı Regional Qazın Satışı Departamentinin 24 nəfər mühəndis heyəti də departamentin inzibati binasında və Qaradağ xidmət sahəsində 20-26 mart, Xəzər, Sabunçu və Abşeron xidmət sahələrində isə 22-26 mart saat 10:00-dan 14:00-dək xidmətlərini icra edəcəklər (Martın 24-də yalnız Sabunçu xidmət sahəsində xidmət göstərilməyəcək).
“Əlavə olaraq onu da qeyd etmək istəyirik ki, “ASAN Kommunal” mərkəzləri martın 25-dən tam şəkildə fəaliyyətinə davam edəcək. Abonentlərdən xahiş edirik ki, qaz təsərrüfatına dair onları narahat edən hər hansı məqam olarsa, 24/7 fəaliyyət göstərən 104 Çağrı Mərkəzinə zəng edərək və ya 077 3 104 104 vatsap nömrəsinə yazaraq məlumat versinlər”, - deyə məlumatda qeyd olunub.