Bakıda keçirilən “AGF Trophy” beynəlxalq turnirində ikinci günün qalibləri mükafatlandırılıb
Bakı, 16 mart, AZƏRTAC
Bakıda keçirilən bədii gimnastika üzrə “AGF Trophy” beynəlxalq turnirində ikinci günün qalibləri mükafatlandırılıb.
AZƏRTAC xəbər verir ki, yeniyetmələrdə fərdi çoxnövçülükdə gürcüstanlı Andria Kelekxsaşvili birinci, Azərbaycan təmsilçisi İlham Salayev ikinci, onun komanda yoldaşı Hüseyn Qəhrəmanov üçüncü yeri tutub.
Yeniyetmə qızlar arasında çoxnövçülükdə qazaxıstanlı Ulyana Puxova qızıl, Azərbaycan gimnastları Leyla Məmmədzadə gümüş, Albina Əliyeva isə bürünc medal qazanıb.
Yeniyetmələr yaş kateqoriyası üzrə komanda yarışında Azərbaycan birinci pillədə qərarlaşıb.
Yeniyetmələr arasında fərdi çoxnövçülükdə özbəkistanlı Sərvər Əbülfəizov birinci, ukraynalı Yuri Emelyanov ikinci, azərbaycanlı Aydın Əlizadə isə üçüncü olub.
Yeniyetmə qızlar arasında fərdi çoxnövçülükdə isə ukraynalı Kristina Qrudetska qızıl, qazaxıstanlı Mədinə Kapbassova gümüş, azərbaycanlı Xədicə Abbaszadə bürünc mükafata sahib çıxıb.
Kişilər arasında fərdi çoxnövçülükdə Azərbaycan gimnastı İvan Tixonov birinci, ukraynalı Vladislav Xriko ikinci, digər idmançımız Rəsul Əhmədzadə üçüncü yeri tutublar.
Qadınlar arasında fərdi çoxnövçülükdə özbəkistanlı Lobar Amrillayeva qızıl, azərbaycanlı Nazənin Teymurova gümüş, qazaxıstanlı Əminə Halimarden isə bürünc medala yiyələnib.
Kişilər arasında böyük və gənclərin komanda yarışında Ukrayna birinci, Azərbaycan isə ikinci yerə çıxıb. Qadınlarda da Ukrayna birinci, Azərbaycan ikinci yeri tutub.
Qeyd edək ki, martın 17-dək davam edəcək yarışda Azərbaycan, Qazaxıstan, Ukrayna, Özbəkistan və Gürcüstanın 88 idmançısı mübarizə aparır.
Atıcılıq üzrə Dünya Kuboku: Qarışıq komanda növündə qaliblər bəlli olub
Stolüstü tennis üzrə ölkə birinciliyinin qalibləri müəyyənləşib
Premyer Liqa: Lider “Arsenal” inamlı qələbə qazanıb
Azərbaycan gimnastı: Doğma divarlar arasında yarışmaq insana zövq verir
Azərbaycan Gimnastika Federasiyası daha bir Anlaşma Memorandumu imzalayıb