Bakı, 16 mart, AZƏRTAC
Basketbol üzrə Azərbaycan çempionatında XV turun növbəti oyunu keçirilib.
AZƏRTAC xəbər verir ki, son çempion “Sabah” səfərdə “Cəlilabad”la qarşılaşıb. Cəlilabad Olimpiya İdman Kompleksində baş tutan görüş qonaqların 90:76 hesablı qələbəsi ilə yekunlaşıb.
Bu nəticədən sonra xallarını 27-yə yüksəldən “Sabah” turnir cədvəlinin ikinci pilləsinə yüksəlib. “Cəlilabad” isə 20 xalla yeddinci pillədə qərarlaşıb.
Qeyd edək ki, turun daha əvvəl keçirilən oyunlarında "Neftçi" "Gəncə"yə, “NTD-İndiqo” "Sərhədçi"yə 84:74, "Xəzri isə "Xırdalan"a 106:82 hesabı ilə qalib gəlib. Tura martın 17-də reallaşacaq "Şəki" - "Sumqayıt" qarşılaşması ilə yekun vurulacaq.