“Aqroservis” ASC-nin İdarə Heyətinin sədri Zaqatalada vətəndaşları qəbul edəcək
Bakı, 14 mart, AZƏRTAC
“Aqroservis” ASC-nin İdarə Heyətinin sədri Elmin Rəhmanov martın 29-da saat 10:00-da Zaqatala Dövlət Aqrar İnkişaf Mərkəzinin inzibati binasında vətəndaşları qəbul edəcək.
Kənd Təsərrüfatı Nazirliyinin İctimaiyyətlə əlaqələr və informasiya təminatı şöbəsindən AZƏRTAC-a verilən məlumata görə, qəbul zamanı vətəndaşların nazirliyin səlahiyyət dairəsinə aid olan məsələlərlə bağlı müraciətləri cavablandırılacaq, müraciətlərdə əksini tapan məsələlərin həlli ilə əlaqədar tədbirlər görüləcək.
Vətəndaş qəbulunda iştirak etmək istəyən şəxslər Kənd Təsərrüfatı Nazirliyinin “Çağrı Mərkəzi”nə (1652) və Zaqatala Dövlət Aqrar İnkişaf Mərkəzinə (055-957-65-22) zəng etməklə qeydiyyatdan keçə bilərlər.
Qəbula gələn vətəndaşlar əvvəlcədən qeydiyyatdan keçməli və şəxsiyyətlərini təsdiq edən sənədləri özləri ilə gətirməlidirlər.
Hacıqabulda ağacəkmə aksiyası zamanı 200 yeni ting əkilib
Şəkidə ümumi orta təhsil səviyyəsi üzrə kolleclərə qəbul imtahanları iki mərkəzdə aparılıb
Gəncədəki Rus Pravoslav Kilsəsində Pasxa bayramı qeyd olunub
Azərbaycanın şimal bölgəsindəki pravoslavlar Pasxa bayramını qeyd edirlər VİDEO