Rusiya qeydiyyatlı avtomobillər martın 16-dak Finlandiyadan çıxmalıdır
Bakı, 13 mart, AZƏRTAC
Rusiyada qeydiyyatdan keçən nəqliyyat vasitələrinin sahibləri avtomobillərini martın 16-dək Finlandiyadan çıxarmalıdır.
AZƏRTAC xəbər verir ki, əks-halda martın 16-dan sonra Finlandiyada qalan Rusiya dövlət nömrə nişanlı avtomobillər saxlanıla bilər.
“Şənbə günündən etibarən Rusiyada dövlət qeydiyyatına alınan nəqliyyat vasitələrinin sürücüləri Finlandiyanın tənzimləyici orqanlarına bu ölkədə həmin avtomobildən istifadə etmək hüququ olduğunu sübut etməlidir”, – deyə Finlandiya Gömrük Nəzarəti Departamentinin saytında dərc olunan məlumatda bildirilir.
Eyni zamanda, aprelin 14-dək sərhəd-keçid məntəqələri bağlı olduğu üçün Finlandiyadan şərq sərhədindən çıxmaq mümkün olmayacaq.
Qeyd edək ki, bundan öncə Avropa İttifaqının Rusiya ilə həmsərhəd olan bütün beş ölkəsi -Polşa, Finlandiya, Estoniya , Latviya və Litva Rusiyada qeydiyyatdan keçən avtomobillərin ölkəyə girişinə qadağa qoyub.
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır