Pentaqon Ukraynaya uzunmənzilli raketlər göndərməyə hazırdır
Bakı, 13 mart, AZƏRTAC
ABŞ Müdafiə Nazirliyi Ukraynaya daha uzun mənzilli ATACMS taktiki ballistik raketləri göndərməyə hazırdır.
AZƏRTAC xəbər verir ki, bu barədə “The Wall Street Journal” nəşri məlumat yayıb.
“Ukrayna tərəfi indiyədək dəfələrlə ABŞ-dan 290 kilometr mənzilli ATACMS raketləri istəsə də, Ağ ev hər dəfə bundan imtina edib. İndi isə Pentaqon həmin raketləri Ukraynaya tədarük etməyə hazırdır, lakin bunun üçün Prezident Cozef Baydenin razılığı olmalıdır”, - nəşr öz mənbələrinə istinadla belə yazıb.
Amerikalı siyasətçilər ABŞ-ın Kiyevə ayırdığı 300 milyon dollarlıq yeni yardım paketinə 160 kilometr uzaqlıqdakı hədəfləri vura bilən orta mənzilli ATACMS raketlərinin də daxil olduğunu bildiriblər.
Martın 12-də ABŞ-ın milli təhlükəsizlik müşaviri Cek Sallivan Birləşmiş Ştatların Ukraynaya artilleriya mərmiləri və idarə olunan raketlərdən ibarət 300 milyon dollarlıq yeni hərbi yardım paketini elan edib.
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır