Fiziki şəxs dövlət qurumundan qrant əldə edərsə, həmin məbləğdən gəlir vergisi ödəməlidir?
Bakı, 19 avqust, AZƏRTAC
Təhsil Nazirliyinin keçirdiyi qrant müsabiqəsinin qalibi olan fiziki şəxsin hesabına pul köçürülüb. Həmin vəsaitdən gəlir vergisi və ya məcburi dövlət sosial sığorta haqqı ödənilməlidir?
Dövlət Vergi Xidmətindən AZƏRTAC-a bildirilib ki, Təhsil Nazirliyi tərəfindən ayrılan qrant qanunvericiliyə uyğun olaraq rəsmiləşdirilməklə tam məbləğdə təyinatı üzrə sərf edildiyi halda (daxil olan məbləğ tam xərcləndiyi halda hesabat ilində gəlir əldə edilmir) qrant müqaviləsi üzrə resipiyent olan şəxsin qrant vəsaitindən vergi öhdəliyinin yaranması Vergi Məcəlləsində nəzərdə tutulmayıb.
"Sosial sığorta haqqında" Azərbaycan Respublikası Qanununun 15-ci maddəsində məcburi dövlət sosial sığorta haqlarından azad olunan gəlir növləri sadalanıb və həmin maddənin 12-ci abzasında maddi yardımın sosial sığorta haqqından azad olunduğu göstərilib.
Qeyd olunanlara əsasən, qrant üzrə resipiyent olan fiziki şəxsin qrant layihəsi çərçivəsində ona ayrılan vəsaitə görə sosial sığorta haqqı və icbari tibbi sığorta haqqı ödəmək öhdəliyi yaranmır.
Aksiz markası ilə bağlı qanun pozuntusuna görə maliyyə sanksiyası tətbiq olunurmu?
Dövlət Vergi Xidməti: Elektron xidmət təkmilləşdirilib
Dövlət xətti ilə 3886 mənzil kirayə verilib
İpoteka və Kredit Zəmanət Fondunun xətti ilə 46 min 258 ipoteka krediti verilib
Dövlət Vergi Xidməti: Elektron xidməti üzrə istifadəçi təlimatları hazırlanıb