Bakı, 27 iyul, AZƏRTAC

Bu ilin birinci yarısında Dövlət Sosial Müdafiə Fondunun xərcləri ötən ilə nisbətən 16.2 faiz və ya 418 milyon manat artaraq 3009 milyon manat olub.
AZƏRTAC xəbər verir ki, bunu Dövlət Sosial Müdafiə Fondunun İdarə Heyətinin sədri Himalay Məmişov Fondun 2023-cü ilin birinci yarısında gördüyü işlərə, yeniliklərə, qarşıda duran hədəflərə dair mətbuat konfransında deyib.
H.Məmişov bildirib ki, xərclərin 2919 milyon manatını əhaliyə ödənişlər təşkil edib. Bu da ötən ilin müvafiq dövrü ilə müqayisədə 16.5 faiz və ya 413 milyon manat çoxdur.