"İşsizin dostu” proqramı çərçivəsində Ağalı və Talış kəndlərində 26 nəfər işlə təmin edilib
Bakı, 9 iyul, AZƏRTAC
"İşsizin dostu” proqramı artıq işğaldan azad edilmiş ərazilərimizdə də məşğulluğa dəstək göstərir.
Əmək və Əhalinin Sosial Müdafiəsi Nazirliyinin İctimaiyyətlə əlaqələr şöbəsindən AZƏRTAC-a verilən məlumata görə, DOST İş Mərkəzi tərəfindən Zəngilanın Ağalı və Tərtərin Talış kəndlərində 26 sakin həmin proqram çərçivəsində haqqı ödənilən ictimai işlərlə təmin edilib. Onlar bərpa-tikinti, sosial, abadlıq və s. sahələrdə çalışırlar. Həmin şəxslərin hər biri ilə əmək müqaviləsi bağlanıb ki, bu da onların gələcək sosial təminat hüquqlarına əsas yaradır.
Qeyd olunan kəndlər üzrə daha 20-dən çox sakinin proqrama cəlb edilməsi işləri aparılır və iki kənd üzrə “İşsizin dostu” proqramı çərçivəsində işlə təmin edilənllərin sayı 50-ə çatdırılacaq.
Laçında özünüməşğulluq proqramının icrasına başlanılıb
“Ay Laçın” – doğma və kövrək duyğularla VİDEO
Avqust ayının müavinət, təqaüd və ünvanlı sosial yardımları tam ödənilib
Qida sahəsində fəaliyyət göstərən 7 müəssisədə nöqsanlar aşkarlanıb