Bakı, 8 iyul, AZƏRTAC

Böyük Qayıdış proqramı çərçivəsində Zəngilan rayonunun Ağalı və Tərtər rayonunun Talış kəndlərinin sakinlərinin məşğulluğuna dəstək tədbirləri davam edir.
Əmək və Əhalinin Sosial Müdafiəsi Nazirliyinin tabeliyindəki Dövlət Məşğulluq Agentliyi tərəfindən Ağalı və Talış kəndlərində 190 şəxs aktiv məşğulluq proqramları ilə əhatə olunub.
Nazirliyin İctimaiyyətlə əlaqələr şöbəsindən AZƏRTAC-a verilən məlumata görə, onlardan 19 sakin Kiçik və Orta Biznesin İnkişafı Agentliyi (KOBİA) ilə birgə təşkil olunan biznes təlimlərə cəlb edilib və təlimlərdən sonra özünüməşğulluq proqramı üzrə aktivlər verilərək onlar üçün kiçik təsərrüfatlar yaradılıb.
Digər sakinlərin ərazi üzrə iş yerlərində məşğulluğunun təminatı işləri aparılıb. Məşğulluğu təmin olunanlardan 21 nəfəri peşə hazırlığı kursuna cəlb edilərək kursu bitirdikdən sonra, 13 nəfəri isə “İşəgötürənlə birgə işçilərin əməkhaqqının maliyyələşdirilməsi” proqramı üzrə işlə təmin olunub.