Əmək, məşğulluq və sosial müdafiə üzrə elektron xidmətlərə son 5 ayda 6,8 milyon müraciət olub
Bakı, 16 iyun, AZƏRTAC
Əmək və Əhalinin Sosial Müdafiəsi Nazirliyinin fəaliyyət sahələri üzrə əhaliyə təqdim olunan elektron xidmətlərə 2023-cü ilin beş ayı ərzində 6,8 milyon müraciət qeydə alınıb.
Nazirliyin İctimaiyyətlə əlaqələr şöbəsindən AZƏRTAC-a verilən məlumata görə, həmin dövrdə 15,7 min pensiya, 57,7 min müavinət və təqaüd, həmçinin 618 birdəfəlik ödəmə üzrə təyinat rəqəmsal infrastruktur üzərindən proaktiv qaydada aparılıb.
Yanvar-may aylarında e-qaydada 142,2 min fərdi şəxsi hesab da açılıb, nazirliyin fəaliyyət sahələri üzrə 169,3 min e-arayış verilib.
Hazırda nazirliyin e-sistemlərinin 31 qurumun informasiya bazaları ilə inteqrasiyası həyata keçirilir. Həmin qurumlar tərəfindən son 5 ayda nazirliyin informasiya bazalarına edilən sorğu sayı 109 milyon olub.
Laçında özünüməşğulluq proqramının icrasına başlanılıb
“Ay Laçın” – doğma və kövrək duyğularla VİDEO
Avqust ayının müavinət, təqaüd və ünvanlı sosial yardımları tam ödənilib
Qida sahəsində fəaliyyət göstərən 7 müəssisədə nöqsanlar aşkarlanıb