Kosovonun güc strukturları ilə toqquşmalarda 10 serb xəsarət alıb
Bakı, 26 may, AZƏRTAC
Kosovonun şimalında yerləşən Zveçan bələdiyyəsində kosovolu polislərlə toqquşmalar nəticəsində ən azı 10 serb xəsarət alıb.
AZƏRTAC Serbiya televiziyasına istinadla xəbər verir ki, Kosovonun şimalında və Metohiya vilayətində yaşayan serblər bələdiyyə binaları ətrafında barrikadalar qurub. Kosovo polisi binalara girməyə çalışarkən toqquşmalar baş verib.
Eyni zamanda, Serbiya Prezidenti Aleksandar Vuçiçin əmri ilə Serbiya Silahlı Qüvvələri yüksək hərbi hazırlıq vəziyyətinə gətirilib. Belqrada bağlı ordu birləşmələri hazırda Kosovo ilə sərhədə doğru hərəkət edir.
Qeyd edək ki, aprelin 23-də Kosovonun şimalında və Metohiya vilayəti ərazisində yerləşən Zveçan, Zubin-Potok, Leposaviç və Severna-Mitrovitsa rayonlarında bələdiyyə seçkiləri keçirilib. Serblərin maraqlarını təmsil edən “Serb siyahısı” qrupunun seçkiləri boykot etməsi səbəbindən bölgədə vəziyyət gərginləşməyə başlayıb.
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır