Serbiyada məktəbə silahlı hücumda ölənlərin sayı 10-a yüksəlib
Belqrad, 16 may, AZƏRTAC
Serbiyanın paytaxtı Belqradda orta məktəbə silahlı hücum nəticəsində həlak olanların sayı 10 nəfərə yüksəlib.
AZƏRTAC xəbər verir ki, Səhiyyə Nazirliyi mayın 3-də Vladislav Ribnikar adına məktəbə silahlı hücum nəticəsində ağır yaralanan 14 yaşlı qız şagirdin müalicə aldığı xəstəxanada öldüyünü açıqlayıb. Bununla da məktəbə hücumda ölənlərin sayı 10-a çatıb.
Xatırladaq ki, mayın 5-nə keçən gecə isə Belqrad yaxınlığındakı Mladenvaçda silahlı şəxs 8 nəfəri qətlə yetirib. Ard-arda baş verən iki silahlı hücumdan sonra Prezident Aleksandar Vuçiç vətəndaşları qeyri-qanuni silahlarını polis bölmələrinə könüllü təhvil verməyə çağırıb. Həmçinin Serbiya ərazisindəki 1800 məktəbin hər birində iki polis əməkdaşı xidmətə başlayıb.
Nihad Budaqov
AZƏRTAC-ın xüsusi müxbiri
Belqrad
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır