Macarıstanda bank sektoru ilə bağlı mövcud vəziyyət müzakirə olunub
Bakı, 28 aprel, AZƏRTAC
Azərbaycan Banklar Assosiasiyasının (ABA) prezidenti Zakir Nuriyev və icraçı direktoru Yunus Abdulov Budapeşt şəhərində ənənəvi illik 45-ci BACEE Bankçılıq konfransında iştirak edib.
ABA-dan AZƏRTAC-a bildirilib ki, konfransda Macarıstanın bank sektoru ilə bağlı mövcud vəziyyət, qlobal bank sektorundakı qeyri-müəyyənliklərin Mərkəzi və Şərqi Avropa, Cənub-Şərqi Avropa ölkələrinə təsirləri, rəqəmsal bankçılıq, ödənişlər, açıq bankçılıq, dünya ölkələrinin milli valyutalarının rəqəmsal analoqunun yaradılması, rəqəmsal transformasiya, maliyyə sektorunda artırılmış reallığın tətbiqi və s. kimi mövzular müzakirə edilib.
Assosiasiyanın nümayəndə heyəti tədbir çərçivəsində əlaqədar banklarla müxbir münasibətlərin inkişafı və digər sahələrdə əməkdaşlıq imkanlarına dair fikir mübadiləsi aparıb.
Qeyd edək ki, tədbir çərçivəsində ABA tərəfdaşlığa görə mükafata layiq görülüb.
Aksiz markası ilə bağlı qanun pozuntusuna görə maliyyə sanksiyası tətbiq olunurmu?
Dövlət Vergi Xidməti: Elektron xidmət təkmilləşdirilib
Dövlət xətti ilə 3886 mənzil kirayə verilib
İpoteka və Kredit Zəmanət Fondunun xətti ilə 46 min 258 ipoteka krediti verilib
Dövlət Vergi Xidməti: Elektron xidməti üzrə istifadəçi təlimatları hazırlanıb