Bakı, 2 aprel, AZƏRTAC

Türkiyənin Kastamonu şəhərində 4,2 bal gücündə zəlzələ baş verib.
AZƏRTAC xəbər verir ki, bu barədə ölkənin Fövqəladə Halların İdarə Olunması Agentliyi (AFAD) məlumat yayıb.
Zəlzələnin 11,83 kilometr dərinlikdə olduğu müəyyən edilib.
İhsanqazi bələdiyyə başçısı Hayati Sağlık Anadolu agentliyinə bildirib ki, rayonda baş verən zəlzələdən sonra heç bir mənfi bildiriş daxil olmayıb.